Vol Ek Agresion: Bann Konplis Nikhil Aumeer Arete Apre Enn Mwa

Lafin kaval pou Ivran Aumeer, enn etidian 18 an, ek so kamarad Kevin Doorgapersad. Zot ti reserse par lapolis Grand-Baie apre ki zot ti agres ek kokin proprieter enn salon tatouaz lokalite le 6 Desam dernie. Zot inn finalman interpele par lapolis le 4 Zanvie.

Sa de zom-la inn azir an konplisite avek Nikhil Aumeer, ki aktielman an detansion pou enn ka ‘rogue and vagabond’. Interoze apre so arestasion, linn avoue ki linn agres proprieter salon tatouaz-la, enn abitan Petit-Raffray. Toutfwa, li dir li pann kokin enn som Rs 9 000.

Tandi so bann konplis, zot inn prezant divan lakour Rivière-du-Rempart Vandredi le 5 Zanvie. Lapolis inn obzekte a remiz an liberte pou Kevin Doorgapersad, enn abitan Trois-Boutiques ki ena 25 an, akoz li ti deza an liberte kondisionel pou bann lezot deli.

Ivran Aumeer inn gengn liberte kont enn kosion.

Loading...

Comments

comments