Rose-Belle: Zot Sekestre Enn Zom Ki Dwa Enn Som Rs 150 000

Enn fam inn port plint stasion lapolis Rose-Belle Mardi le 9 Zanvie. Li akiz enn group dimoun pou sekestre so mari. Li dir ki bann-la inn larg so mari mem zour aswar.

Sa abitant Rose-Belle-la, ki ena 42 an, inn konfie avek bann anketer ki sa zafer-la se enn zistwar revanz. Li azoute ki li soupsonn de personn avek ki so bann pros pa an bon term.

Viktim-la, dapre so bann parol, inn deza port plint kont bann-la, inn gengn plizir zour, pou bann menas. Madam-la inn osi fourni bann detay lor loto ki bann malfra-la inn servi pou fer kidnaping-la.

So misie inn explike ki li dwa enn som Rs 150 000 a enn parmi bann kidnaper-la. Bann-la aktivman reserse par lapolis. Criminal Investigation Division Mahebourg inn pran lanket.

Comments

comments