Posesion Gandia: Veer Luchoomun Kondane 12 Mwa Prizon

Verdik inn tonbe dan lakour intermediyer azordi, Vandredi le 12 Zanvie. Veer Luchoomun inn gengn 12 mwa prizon. Le 8 Desam 2017, lakour ti rekonet li koupab pou posesion 10,3 gram gandia.

Santans inn prononse par mazistra Raj Seebaluck. Veer Luchoomun ti pourswivi pou posesion ladrog avek lintansion pou distribie.

10,3 gram gandia-la ti dekouver dan so lakaz dan Rivière-du-Rempart le 18 Mars 2011.

Dan so zizman, mazistra Raj Seebaluck inn deklare: “Veer Luchoomun a déjà un antécédent de drogue et c’est dommage qu’il se soit servi de ses enfants comme paravent pour demander la clémence de la cour. Vu la quantité de drogue, il est clair qu’il était dans le business de la drogue.”

Veer Luchoomun, ki frer depite ek Parliamentary Private Secretary Sandhya Boygah, an liberte sou kosion apre so arestasion an Desam dernie, swit a enn aksidan larout kinn kout lavi enn zen zom, Keshava Appadoo, ki ti arive Forbach, Cottage.

Veer Luchoomun inn teste pozitif pou lalkol apre sa aksidan larout-la.

Comments

comments