Sainte-Croix: Enn Parmi Bann Proprieter Enn Restoran Akize Pou Meurt

Linn prezante lakour kouma lapolis inn anbark li. An short, san mem enn tshirt, enn blouzon ferme lor so lekor. Blese. Lamin bande.

Leung Laeng Sen Leung To Chun, pli koni kouma Marlène, enn parmi bann proprieter restoran Central dan Sainte-Croix, ti dan lakour distrik Port-Louis azordi apremidi, Vandredi le 12 Zanvie.

Enn sarz provizwar meurt inn loze kont sa zom 68 an-la. Lapolis inn indike ki sispe nimero enn, so frer, Leung Fook Sen To Chin, osi koni kouma Baba, 65 an, inn admet lopital. Li pa port mem non swit a enn erer administrativ.

Lapolis inn dimann enn medsin lapolis pou examinn Leung Laeng Sen Leung To Chun.

Bann polisie inn obzekte a so remiz an liberte akoz li kapav interfere avek bann temwin, manipil bann prev ek pou so prop sekirite. So prosin konparision divan lakour distrik inn previ pou le 19 Zanvie.

Tandi so frer, linn blese pandan sa alterkasion-la kinn arive pandan enn vol dan so restoran azordi, Vandredi le 12 Zanvie. Swit a sa insidan-la, Patrick Gaetan Souavé inn desede. Linn mor dan lopital.

Comments

comments