Bel-Etang: L’adsu Derasinn 995 Pie Gandia Pou Valer Rs 3 Millions

Rs 3 millions. Se valer bann plan gandia kinn derasine par bann polisie Anti-Drug & Smuggling Unit (ADSU) dan Bel-Etang, Flacq, yer, Vandredi le 12 Zanvie.

Operasion-la inn koumanse 09hr15 dan enn karokann. Se la ki bann polisie brigad antidrog inn dekouver 381 pie gandia ki mezir ant 15 ek 30 cm.

Kan zot inn kontinie fer zot resers, zot inn dekouver ankor 605 pie gandia ki mezir ant 20 ek 35 cm.

Apre sa sezi inportan-la, enn lot lekip inn dekouver 8 pie gandia ki mezir ant 22 ek 58 cm dan enn terin vag pre kot enn tanp.

Comments

comments