Rivière des Créoles: Javish Ramjaun Mor Nwaye Zis Apre Cavadee

Inn ariv enn dram yer apremidi, Merkredi le 31 Zanvie, dan Rivière des Créoles. Javish Ramjaun, 17 an, inn mor nwaye apre enn sorti ant kamarad. Se trwaziem ka nwayad dan mwins ki 24hr tan.

Javish Ramjaun ti enn etidian ek abit Rivière des Créoles. Li ek so bann kamarad ti profit konze piblik pou al naze dan enn lariviyer dan lokalite zis apre Cavadee.

Dapre informasion noun ginyin, linn mor nwaye enn plas ki apel li ‘Pon Anglais’. Dapre enn abitan, sa plas-la inn pran lavi apre 20 an apre ki tou sa lapli -la inn tonbe. Dilo inn akimile.

Javish Ramjaun

Boukou personn inn perdi lavi dan sa plas-la ek li byin danzere, dapre bann abitan. Javish ti enn personn byin popiler dan landrwa. Lapolis inn mande sir plas ek zot inn transport so lekor lamorg pou bann bezwin otopsi apre inpe letan resers. Bann abitan inn ed lapolis dan bann resers ek inn gengn so lekor koumansman lasware.

Lapolis inn ouver enn lanket pou derterminn koz exak so dese.

Comments

comments