Soupsone Pou Trafik Ladrog: Polisie Gary Gopaul Akize Pou Viol

Li ti arete dan kad lantet lor inportasion Rs 30 millions eroinn, ladrog kinn retrouve dan doub fon bann valiz ex-polisie Arvind Hurreechurn kan linn desann depi avion. Polisie Gary Gopaul fer fas enn akizasion viol sann fwa-la.

Enn fam 21 an inn port plint kont li pou agresion sexiel dan lasware Dimans. Akize-la, ki ena 31 an, inn apreande, dan lamatine Lindi le 5 Fevrie, par lapolis Goodlands.

Dan so plint, viktim-la, enn abitant Goodlands, inn explik bann anketer ki li ti al kot so kouzinn, madam Gary Gopaul. Madam-la, ki abit Mlle Jeanne, Goodlands, pa ti prezant, linn afirme. Alos Gary Gopaul inn fors li pou gengn rapor sexiel.

Pandan so interogatwar, Gary Gopaul inn explik bann anketer ki zen fam-la ti konsantant. Linn konparet divan lazistis. Enn akizasion provizwar viol inn depoze kont li. Linn retrouv liberte kondisionel apre ki linn fourni enn kosion Rs 15 000.

Loading...

Comments

comments