Camp-de-Masque-Pavé: Sezi Bann Zarm Ek Kagoul Dan Enn Loto

Bann kagoul, sab, pins… Se samem kinn dekouver dan loto de zom dan Camp-de-Masque-Pavé azordi, Merkredi le 7 Fevrie. Bann polisie Criminal Investigation Division (CID) Flacq inn anbark zot.

Enn fwa dan stasion lapolis, de sispe-la inn soumet a enn interogatwar sere. Zot inn alos avoue ek inn explike ki zot inplike dan sis ka vol.

Dan lafoule, zot inn balans non zot bann konplis. Zot aktivman reserse par lapolis.

Antretan, yer, Mardi le 6 Fevrie, ver 15hr, lapolis inn prosed a larestasion enn residivist, denome Olivier Geraldo Pierre Louis. Apre sertin informasion, CID lokalite inn al kot Melle Jeanne, kot sispe-la ti ete avek enn lot zom.

Kouma zot inn trouv lapolis, zot inn sove rapidman. Bann polisie inn toutfwa koumans rod zot. Zot inn resi met lamin lor Oliver Geraldo Pierre Louis. Kwizine par bann polisie, linn fini par admet ki linn komet 21 vol dan larezion Goodlands. Lapolis pe aktielman rod so konplis.

[wp_ad-camp_2]

Comments

comments