Rodrigues : Enn Tifi 14 An Denonse “Mo papa inn dir mwa vinn guet fim porno”

So papa inn esay abiz li a plizir repriz. Se samem ki enn adolesant 14 an alegue. Linn raport bann fe avek lapolis Grande-Montagne, Rodrigues, yer, Merkredi le 7 Fevrie, dan prezans so mama ek bann ofisie Child Development Unit (CDU). Zom-la, enn somer ki ena 37 an, inn arete par lapolis.

Tribunal Port-Mathruin

Dan so depozision, zenn tifi-la indike ki li abit kot so granmer dan vilaz Champs. Ek so papa abit dan lakaz akote. 1-2 kou tifi-la fer menaz kot so papa. Se a sa bann moman lamem ki li esay abiz adolesant-la.

Dapre sa zenn tifi-la, dernie tantativ so papa remonte an mwa Zanvie. Li soulinie ki ti enn zour konze piblik kan sa inn deroule. “Mo ti pe netway lakaz kot mo papa. Lerla li dir mwa vinn guet fim pornografik,” li rakonte ek azoute ki linn refize.

Dezabiye an fors

So papa, li kontinie dir, inn guet fim-la ek met son for pou li kapav tande. Linn answit lans so tifi bann propo deplase avan dezabiy li an fors ek komet bann atousman lor li. Adolesant-la afirme ki linn debat ek resi sove sa zour-la.

Linn gard sa sekre lour-la ziska Mardi le 6 Fevrie. Linn konfie avek so kamarad klas, kinn rakont tou rekter so kolez ki finn alert CDU deswit.

Papa adolesant-la inn arete Merkredi ek inn pas lanwit dan selil polisiyer dan stasion Rivière-Coco. Pe ankor fer so interogatwar. Li pou tradir divan tribinal Port-Mathurin azordi, Zedi le 8 Fevrie, pou so remiz an liberte kondisionel.

Loading...

Comments

comments