Meteo Afzal Goodur Pu Samdi Le 10 Mars 2018

Afzal Goodur dir letan pu res bon lazurne azordi, Samdi le 10 Mars 2018. Soley pu domine malgre ki lor plato santral azordi apremidi, pu ena bann pasaz niaze.

Afzal Goodur explike ek prevwar : “Risk lapli byen feb me ena enn lalign distabilite lor Rodrigues. Posib sa kapav inflians nu letan apre minwi. Zisteman dan Rodrigues, ena bann niaz aktiv ek apartir minwi, sa inn kumans forme laba ek zot pe gayn lapli, loraz ek zekler. Mem lazurne azordi, letan res niaze avek risk lapli tanzantan.”

Lamer dan lest, lenor ek luest vag pu fer 1.5 met oter ek lesid li pu fer 2.5 met. Trwa zonn bas presion pe evolie lor pwen 13.5 sud 63.5 est; 12.6 sud 74.5 est ek enn lot ki pa konserne ar nu li lor pwen 10.4 sud 92.3 est.

Ena posibilite apartir Zedi, pu ena enn sanzman kote letan dan nu rezion.

Comments

comments