Meteo Afzal Goodur Pu Merkredi Le 4 Avril 2018

Afzal Goodur dir zot tu bonzur. Foto satelit mem dir tu azordi, Merkredi le 4 Avril 2018. Ena buku instabilite dan nu rezion depi Dimans. Ek pu prosen sis zur, sa pu ale mem kumsa. Si nu pa pu gayn bann gro lapli, se La Reunion ki pu gayn gro lapli ek loraz.

Mr Meteo eksplike ek prevwar : “Sitiasion letan pu parey azordi. Bann niaz lanwit dernie pu disipe ek parti lest ek plato santral, pu ena enn ti lapli gramaten. Letan pu eklersi 8hr ziska 10hr me avek prezans bann niaz. Apartir 10hr30/11hr, niaz aktiv Cumulus pu kumans pran plas ek posib, pu gayn lapli enn bon parti lil Moris.”
Lamer avan midi dan rezion lest, lenor ek luest, vag pu oter 1.3 met. Lesid vag pu oter 1.7 met. Apremidi, vag pu oter 2.2 met. Divan pu sufle a enn vites 18 ziska 24 km/hr me pu ranforsi ek kapav ariv ziska 44 km/hr. Landrwa ki pu fer pli so azordi se Goodlands.
Risk loraz li 2075/kg. Bann niaz ki pu forme pu 51kg par met kare. Tanperatir lamer pu 26.5 degre. Dan Rodrigues, letan gramaten pu niaze avek posibilite enn ti lapli. Me apre 8hr/9hr, letan pu bon laba. Lamer pu bon avek bann vag oter 1.3 ziska 1.6 met. 

Comments

comments