Meteo Afzal Goodur Pu Vandredi Le 11 Mai 2018

Afzal Goodur swet zot tu bonzur. Nu retruv nu dan enn zonn imid, ek pu fer 1 ou 2 degre pli so azordi, Vandredi le 11 Mai 2018. Sirtu ki labriz feb me varyab.

Mr Meteo prevwar ek eksplike : “Gramaten, antie Moris pe leve avek enn zoli reyon soley. Me apartir 9hr, enn bon parti lil pu kumans vinn niaze. Plis enn zonn instab pe mont ver nu rezion. Ena posibilite apartir 11hr30, pu kumans gayn lapli rezion sud-ouest avan, apre bann landrwa kuma Curepipe, Rose Belle, Valetta, Dubrueil, Midlands ek plizir landrwa ankor. Pu ena risk gayn 1-2 ku loraz. Li posib lanwit osi nu ena risk lapli. Lapis Champ-de-Mars kapav vinn kolant.”

Lamer parti lenor pu bon avek vag oter 1.3 met. Luest ek lest vag pu oter 1.7 met. Lesid lamer res pli move avek vag oter 2.3 met.

Dan Rodrigues, letan tuzur ansoleye me lamer pu move avek vag oter preske 3 met.

Comments

comments